مين في أجمل من العدرا مريم نرفعلك معا التسبيح والشكران يا إله السما والأرض؟


ما في أجمل وأهمّ من العدرا مريم إمَّك يا ربّ تا ناخدو مِثال لإلنا ونستسلم متل ما هيّي إستسلمت لمحبِّة الله، ونخلّيك تشتغل بحياتنا متل ما إشتغلت بحياتا، ونخلّي نار حُبَّك يشعل بقلوبنا وبقلب عالمنا.

ما في أجمل وأهمّ من العدرا مريم إمَّك يا ربّ تا ناخدو مِثال لإلنا ونعيش التواضع اللي عاشِتو بحياتا، ونهتمّ بكلّ اللي هنّي بحاجة لحضورنا متل ما كانت العدرا حاضرة مع أليصابات الختيارة.

ما في أجمل وأهمّ من العدرا مريم إمَّك يا ربّ تا ناخدو مثال ونشهد لإلك ولقيامتك بحياتنا متل ما كانِت هيّي شاهدة لحقيقة البشارة فيك وبتجسُّدك بعالمنا من خلال أحشاءا الطاهرة، ونعمل من قلوبنا بيوت قربان تا تسكن فيها وتتمجّد بكل قول أو عمل منعملو بحياتنا.

/الخوري يوسف بركات/