بالوقت اللي كنت عم بتبشِّر بملكوت الله، كتار الناس اللي رفضوك يا ربّ، بس كمان كتار كتير اللي قبلوك بحياتن.


ونحنا اليوم بعد أكتر من ألفي سنة بعد في كتير وصلتلن البشارة عم يرفضوك متل ما في العدد الأكبر عم يقبلك.


هيدي هيِّي الحقيقة اللي ما بتتغيَّر لأنّو الإنسان ما فيه إلَّا ما يقدِّر ويحبّ ويحترم كل الآيات والعجايب اللي عملتا واللي بعدك عم بتعملا بهالزمن واللي ما ممكن يتخيَّلا ويصدِّقا العقل.


وكل اللي حكيتو يا ربّ ما فيه إلّا ما يفوت عا قلب الإنسان وبيتغلغل لعمق أعماقو، وما حدا بيقدر يلتقي فيك ويضلّ مَنّو مهتمّ، يا بدّو يبغضك أو يتبعك.

يا ربّ، إنت بتعرف أعماقنا، وفاحص كلّ اللي بقلوبنا، فيك منآمن وعا دربك، درب القداسة بدنا نمشي اليوم وكل يوم، رغم كلّ الصعوبات والتجارب، إحمينا وقوّينا تا نثبت بطريقك ونعمل مشيئتك.

/الخوري يوسف بركات/