بهالصباح المبارك، منرفعلك كلّ التسبيح وكلّ الشكر يا ربّ عا هالليل اللي مرق علينا وعا هالنهار اللي رح يمرق ونحنا عم نعيشو معك بكلّ أمانة لرسالتنا.


شو حلوة ومهمِّة هالجملة اللي بتقولا يا ربّ للرسل ولإلنا :

"من يصبر إلى المُنتهى يخلص".


والمنتهى هوّي معك يا ربّ.


بس إنت بتعرف إنّو مش هينة إننا نصبر بهالظروف الصعبة اللي عم نعيشا.


مش هينة علينا يا ربّ إننا نصبر بهالأزمات والمشاكل الماديِّة والسياسيِّة والاقتصاديِّة والإجتماعيِّة واللي عم بتحاول تأثِّر سلباً عا حياتنا الروحيِّة وعا علاقتنا فيك.


بس نحنا كلنا إيمان وكلنا ثقة بروحك القدّوس اللي بيعزِّينا دايماً، والحاضر الدايم تا ينجِّينا من كلّ محاولة يأس من هالحياة.


نحنا كلنا إيمان وكلنا ثقة بإنَّك وحدك النبع والهدف والمعنى لحياتنا.


إنتَ اللي خلقتنا ونقَّيتنا تا نكون رُسُلَك ونعيشك بهالعالم الضايع، ونحنا رح نكون قدّا.

/الخوري يوسف بركات/