مين فيه يشوفك يا ربّ بالكلمة وما يتأكَّد إنَّك إبن الله الحيّ.


مين فيه يشوفك يا ربّ بالقربان وما يتأكَّد إنَّك حامي البشريِّة.


مين فيه يشوفك يا ربّ مرفوع بين إيدين الكاهن وما يتأكَّد إنَّك رفعت خطيِّة العالم.


مين فيه يشوفك بالإنسان وما يتأكَّد إنَّك نبع المحبِّة والغفران.


مين فيه يشوفك يا ربّ بكلّ جمالات الدني وما يتأكَّد إنَّك إنتَ الجمال الحقيقي.


نعم يا يسوع، ما فينا ما نشوفك بالكنيسة، لأنّو الكنيسة هيّي بيتك وفيها منلاقي السلام والأمان.

نعم يا ربّي يسوع، ما فينا ما نشوفك بكلّ شي حلو وبيمجّدك لأنّك إنت الجمال كلّو، وإنت خالق كل شي حلو وجيِّد.


نعم يا ربّي يسوع، ما فينا إلّا ما نشوفك وين ما كنَّا وشو ما عملنا، لأنّا منآمن بكلامك لمَّن بتقول إنَّك إنتَ الحياة، ونحنا منحبّ الحياة لأنَّك إنت فيها النور والروح اللي مملّاها.

/الخوري يوسف بركات/