صباحنا اليوم بيبتدي بالأمانة للرسالة معك يا ربّي يسوع المسيح.


بهالنهار المبارك منقدِّملك، يا ربّ، قلوبنا وعقولنا وأفكارنا وصلواتنا.


منرفع قلوبنا بالعالي اليوم إلك يا ربّ، تا تنبض بقلبك الأقدس، وتا ترجع الحياة عا قلب لبنان، تا يبقى وطن السلام ووطن المحبِّة ووطن الرسالة.


منرفع عقولنا بالعالي اليوم إلك يا ربّ، تا تكون كلّ أولويَّاتا كيف ترضيك وتثبت بإيمانا فيك.

منرفعلك يا ربّ كنيستنا بمسؤولينا ومؤمنينا، تا تكون كلّ القرارات اللي بتاخدا لمجدك ولخير أبناءك اللي إفتديتن بدمك الكريم.

ومنرفعلك كلّ المسؤولين بوطننا الحبيب تا يرجعو ينهضو بذاتن، من خلال التوبة، لبرّ الأمان معك.

/الخوري يوسف بركات/