ببداية هالنهار المبارك، منرفعلك يا ربّي يسوع كلّ التسبيح والمجد والشكر عا حضورك الدايم والحقيقي بكلّ لحظة من لحظات حياتنا.


منشكرك يا ربّي يسوع لأنَّك داعينا تا نكون رسل سلام بين العالم، نعرف نزرع أمانك بقلوبنا وبالمحيط اللي عايشين فيه.


منشكرك يا ربّي يسوع لأنَّك دعيتنا وبعدك عم تدعينا تا نعرف نحِبّ من كلّ قلوبنا، ونزرع حُبَّك مطرح ما منكون وبكلّ الأوقات.


منشكرك يا ربّي يسوع لأنَّك نقَّيتنا تا نكون خدّام كلمتك بكلّ العالم.


نعرف نعيشا بحياتنا ونزرعا بعقول الناس اللي بتتساءل إذا في الله.


منشكرك يا ربّ لأنَّك عم تدعينا تا نكون مصابيح نورك بطريق كلّ اللي حويلينا، ونكون عُمَّال بكرمك نعرف نطلِّع محصول مهمّ من المؤمنين للملكوت.


منشكرك يا ربّي يسوع لأننا أبناءك وبناتك، ومنشكرك يا روح الله القدّوس لأنَّك دايماً حامينا من كلّ شرّ.

/الخوري يوسف بركات/