بهالنهار المبارك منسبّحك يا ربّ ومنباركك ومنمجّدك مع الشهدا المسابكيِّين الموارنة الثلاثة.


على مثال هالإخوة الشهدا اللي حافظو عا إيمانن بثبات فيك وما خافو من اللي رح يقتلّلُن جسدُن، بدنا نكون أمينين لإيماننا فيك يا ربّي يسوع.


على مثال هالأبطال اللي تركو الدني وما فيها وقالو نعم للموت حُبًّا فيك يا ربّ، نحنا بدنا نكون عم نمشي دربن ونتخلّى عن كلّ طمع أرضي تا نستحقّ إننا نكون أبطال بملكوتك السماوي.


على مثال هالقدّيسين الثلاثة اللي كانت عيونن عم تتطلَّع عليك وإنتَ عم تدعيون تا ما يخافو ويسلّموك ذاتن وينالو إكليل المجد، بدنا نعيش معك من دون خوف من الماضي ولا من الحاضر ولا من اللي جايي علينا، بدنا نسلّمك ذاتنا بِكُلِّيِّتا تا تكون إنتَ هدفنا وغايتنا وقداستنا.


ربّي يسوع، شو صعب بس حلو إننا نعيش القداسة بحسب رغبة قلبك خصوصي بهالظروف الصعبة.

/الخوري يوسف بركات/