بهالأحد الفارح منرفعلك كلّ التسبيح والتمجيد والتعظيم يا ربّ السما والأرض.


نحنا منآمن يا ربّي يسوع بإنّو محبّتك للآب السماوي وطاعتك للرسالة اللي جيت كرمالا عا أرضنا خلِّتنا نفهم كيف بتكون الشراكة الحقيقيِّة، ونتحسَّس هالإتِّحاد بينك وبين الله الآب والله الروح القدس.


كلنا إيمان يا ربّ، نحنا الممسوحين عا إسمك، بإننا مدعوّين تا نحبّ الرسالة اللي إنتَ وكَّلتنا ياها متل ما إنتَ حبَّيت رسالتك، ونحبَّك متل ما إنتَ حبَّيتنا وفديتنا بذاتك تا تعطينا الخلاص.


كلنا مدعوّين يا ربّ، نحنا المعمَّدين بالروح القدس، تا نكون رُسُل حقيقيّين لإلك، نعرف كيف نعكس حقيقة قيامتك بحياتنا.


ونحنا تلاميذك، اللي نقّيتنا بأسماءنا، رح نحاول بقوِّة الروح القدس، إننا نعيش الإصغاء الكامل لكلامك ونفتح قلوبنا على نورك ونندفع بفرح للعمل بكرمك تا نملّي الأرض من ثمار حبّك وفرحك وسلامك يا ربّ.

/الخوري يوسف بركات/