بصباح هالنهار المبارك منسبّحك ومنمجّدك يا ربّي يسوع.


شو هالشيطان المتربِّص عا بواب قلوبنا وناطر تا يتغلغل ويبعدنا عنَّك، بس عنّا ملء الثقة إنّو الروح القدس كمان حاضر إنّو يدافع عنّا وما عم بيخلّيه.


يا ربّي يسوع، صعب علينا إننا نصمد لحالنا بوجّ هالشيطان ونحسّ بالسلام، بس بإتِّكالنا عالروح القدس وبإتِّحادنا فيك رح نعيش بسلام داخلي معك.


يا ربّي يسوع، ولا يوم رح نفكِّر إنّو إذا فلَّتنا من تجربة الشيطان مرَّة أو تنين أو عشرة يعني خلص إرتحنا، وهيدا اللي بتنبِّهنا مِنّو، وبتدعينا إننا نكون حذرين من كلّ هجماتو اللي رح بتكون أقوى من اللي سبقوها.


يا ربّي يسوع، صارت دارجة موضة عدم التصديق بوجود الشيطان، مع إنَّك إنتَ اللي أكَّدتِلنا هالوجود، لهيك، كلّ اللي بينكر وجودو بيعطيه أقوى سلاح تا يحاربنا.

بس نحنا سلاحنا هوّي العمل بكلمتك يا ربّ، والسهر بالصوم والصلاة تا نردّو عنّا ونبقى معك.

/الخوري يوسف بركات/