بصباح هالنهار اللي منعيِّد فيه مع النبي إيليَّا ، منسبّحك ومنرفعلك أناشيد المجد يا ربّ.


متل ما بيعني إسم إيليا "إلهي هو الله"، نحنا كمان منعلنك يا ربّ إنَّك إلهنا ومُخلِّصنا الوحيد.


ومتل ما حمل النبي أشعيا إسمو وطبَّقو عا شخصيتو وعا رسالتو المُميَّزة، حتَّى إنّو العالم افتكروه المُخلِّص المُنتَظَر، هيك نحنا كمان، بدنا نسعى كلّ حياتنا تا تكون أقوالنا وأفعالنا وسيرة حياتنا بتليق بالصفة اللي إنطبعنا فيها بالعماد : مسيحيِّين.


ومتل ما إختار النبي إيليَّا الأمانة لإلك يا ربّ، ورذل عبادة الأوثان وشهد بحياتو لإلك، نحنا كمان بدنا نرفض كلّ شي بيجذبنا صَوبو وبيحاول يكون إلهنا غيرك.


ومتل ما كان إيليَّا النبي غيّور عا الإيمان فيك، وشهد لإيمانو وتحمَّل كلّ الإضطهادات كرمالك، نحنا كمان يا ربّ، رح نستسلم لإرشادات وإلهامات الروح القدس تا نتحلّى بِجُرأة وشهادة النَّبي إيليَّا.

/الخوري يوسف بركات/