بعيد إنتقال العدرا مريم بالنفس والجسد عالسما، منرفعلك يا ربّ قلوبنا وعقولنا وأفكارنا، بفعل تسبيح وتمجيد وشكر.


متل ما كانت العدرا مريم تعظمك بكلّ لحظة من لحظات حياتا لوقت إنتقالا، هيك نحنا بدنا نعظّمك إلك يا ربّ وما بدنا يكون عنّا إله غيرك.


متل ما العدرا فِرحِت وابتهجت بتجسُّدك بالعالم، هيك نحنا بدنا نفرح بحضورك بحياتنا يللي عم بتنجّينا فيه من كلّ الصعوبات اللي بتواجهنا.


متل ما العدرا مريم عاشِت التواضع بحياتا وما تكبَّرت لأنّها إمَّك، هيك نحنا يا ربّ، بدنا نعيش التواضع اللي داعينا عليه ونفعِّل كلّ العطايا اللي عاطينا ياهن.


ومتل ما العدرا مريم عاشِت الطاعة لمشيئتك وقِبلِت بالحبل الإلهي، هيك نحنا يا ربّ، بدنا نعيش الطاعة لكلامك اللي بتدعينا فيه إنّو نعيش المحبِّة بملآا ونستعد للإنتقال للبيت السماوي لمَّن بتدعينا.

/الخوري يوسف بركات/