منسبّحك ومنمجّدك يا ربّ السما والأرض لأنَّك حاضر معنا بكلّ لحظة من حياتنا.


يا ربّي يسوع، كل إنسان بيفرح لمَّن بيسمع عنّك أو بيشوفك عم تشفي.

وخاصَّةً اليوم إنتَ وعم تشفي هالإنسان اللي بحاجة دايمة لماء.


بس المشكلة هيّي عند علماء الشريعة اللي ما بيهمُّن إلّا تطبيقا حرفيًّا والسبت عندن ياه قبل الإنسان، وهيدا اللي زعج الربّ وخلّاه يشدِّد عا فكرة إنّو السبت انعمل لخدمة الإنسان ومش العكس.

ومنتساءل ليش هالقسوة بقلوب علماء الشريعة؟

والجواب وحيد وهوّي الـ "أنا" اللي بتوصِّل الإنسان للإجرام وللضياع، وهيدا اللي صار معك يا ربّ : غفرت ليَللي صلبوك، وحبَّيت حتَّى اللي ما بيخلّوك تحبّ.


ومن حياتنا اليوميِّة بتعطينا درس كتير مهمّ يا ربّ، وهوّي إننا نعيش محبِّة وخدمة الإنسان المحتاج للمسة حُبَّك وحنانك منّا.

/الخوري يوسف بركات/