يا ربّي يسوع، قدّيش كانو الفريسيّين عم بيعيشو الرياء ويبيّنو للناس إنّن أبرار وهيدا اللي كنت تحذّر الناس منّو، إنّن يحكو شي وما يعيشو اللي عم يحكوه.


يا ربّي يسوع، قدّيش كانو الفريسيِّين عم بيعملو أعمالن بس تا يشوفوهن الناس، وخصوصي بأمور الشريعة والقوانين اللي حاطينا البشر وبينسبوها لألله.


يا ربّي يسوع، قدّيش حذّرت الناس، والرسل والتلاميذ من بعدن، وبعدك عم بتحذّرنا من هالخمير، وبدّك يانا نعرف إنّو كل شي محجوب رح ينكشف، وخصوصي هالرياء والكذب والخطية قد ما طالت رح تنكشف.

علّمنا يا ربّ كيف نعيش التواضع بالخدمة، ونعرف كيف ننسب أعمالنا وأقوالنا لمجدك ومش لمجدنا، وتكون رسالتنا بهالحياة إننا نعكس حبّك للعالم.

/الخوري يوسف بركات/