يا ربّي يسوع، كتار اللي بيفتّشو عن المناصب بهالدني، وبيطمحو إنّن يوصلو للقمّة بالمجتمع، هيدا مش غلط، بس الغلط اللي عم بيصير هوي إنّن عم يوصلو عا حساب غيرن، طموحن الزائف عم بيتحوّل لطمع وجشع عم يتحقّق عا حساب الناس أو القيم.


وبحياتنا المسيحيّة يا ربّي يسوع، دعوتنا إننا نعيش سرّ السعادة والفرح بوسط الضيقات لأنّو تركيزنا عم بيكون على حضورك بحياتنا من خلال كلّ النِعَم الدايمة اللي زرعتا فينا تا نعرف نستثمرا ضمن الظروف والصعوبات اللي بتحاول تحجب وجّ السما متل الغيم.


بس المشكلة الكبيرة إننا ما عم نعرف نتعرّف عليك أكتر ولا نتّحد فيك، علّمنا كيف نتقرّب منيح منّك ونعطيك ذاتنا أكتر.

/الخوري يوسف بركات/