يا ربّي يسوع، نحنا عمال بكرمك، عايشين بهالعالم الضايع والغرقان ببحر الشهوة والأنانيَّة، وكلنا ثقة إنّك معنا وعم بتقوّينا تا نجتهد ونعيش هالرسالة بكلّ أمانة.
يا ربّي يسوع، كل يوم، وبآخر النهار، عنّا وقفة ضمير معك لأننا بالنهاية رح نتحاسب عا كل اللي إشتغلناه بحياتنا، وكل واحد وواحدة منّا رح بيقدملك شغل وتعب هالرسالة، بس كلنا ثقة برحمتك وحبّك وحنانك.
يا ربّي يسوع، أجرتنا هيّي إنت، إنت الوليمة الحقيقيّة، إنت العريس الصادق اللي ما بتغش ولا بتنغش، وعندك ومعك رح بيكون اللقاء حاسم، يا منبقى معك ومنتنعّم بالملكوت، يا منكون برّات الفرح السماوي بسبب اعمالنا.
كل رجانا إنّك تقبلنا بملكوتك لمّن منغادر هالعالم، ولا تعاملنا بحسب عدلك، لا بل بحسب رحمتك يا حنون.
/الخوري يوسف بركات/
