يا ربّي يسوع، ليش منعرف نقرا علامات هالعالم الفاني والعابر، ومنصير نخطّطلو ونحاول بكلّ الطرق إننا نكتشف شروط نجاحو، مع إنّو عابر ومؤقّت، وما منقدر نعطي ذاتنا لإلك وللخدمة، ونسلمك ذاتنا تا نقدر نعرف ونفهم علامات الروح القدس اللي بتحقّقلنا السعادة؟

يا ربّي يسوع، علّمنا كيف نطلع من ذاتنا بكل لحظة منحسّ بالأنانيّة، ونغوص بسرّ تواضعك وحبّك اللي بيخلّونا نحدّد الهدف اللي حطّيناه لحياتنا، ونحاول بكلّ كياننا إننا نحقّق هالهدف واللي هوّي إننا نعكس حبّك بالعالم هلّق لأنّو الموت دايماً عالبواب.


أعطينا يا ربّي يسوع، الجرأة والصبر والإيمان تا نقدر ننطرك ونكون مليانين من نعمك، ومستعدّين للحظة اللقاء فيك، ونكون بحياتنا عم نعرف نغوص ببحر حبّك دايماً وللأبد.

/الخوري يوسف بركات/