يا ربّي يسوع، شو في أجمل من الصلاة تا الإنسان يقدّم عربون شكر لألله عا كل نعمو وعطاياه؟
إنت اللي كنت تطلع عالجبل تا تختلي بألله الآب السماوي، وما كنت ولا لحظة تملّ من الصلاة، لا بل علّمتنا كيف نصلّي.
يا ربّي يسوع، كانو الناس يجو لعندك تا تشفيهن لقيو فيك الربّ الشافي، كانو بحاجة لإلك تا تعطيهن الشفا، وفوق الشفا عطيتهن الحياة.
يا ربّي يسوع، منشكرك لأنّك من فيض حبّك عالصليب سكبت فينا الحياة، منشكرك لأنّك علّمتنا بشخصك التواضع، منشكرك لأنَّك نبّهتنا من إغراءات المجد الباطل الزايل ودعيتنا للحبّ، للمجد السماوي اللي ما بيزول.
ملّينا يا ربّي يسوع منّك ومن نبع حبّك، تا نقدر نجتمع كلنا سوا فيك كنيسة واحدة إنت راعينا وفادينا الأوحد.
/الخوري يوسف بركات/
