يا ربّي يسوع، إنت الخير المطلق والمدافع المستميت عنّا، تا تسكب فينا ذاتك يا نبع الحياة، لهيك ما فيه الشرّ يتغلّب علينا ويخنق الرجا اللي فينا.

يا ربّي يسوع، الشيطان عم بيحاول إنّو يزرع الزؤان بكل قمحة، عم بيحاول يدخّل الخطيِّة والغرور والأنانيِّة بقلب كل إنسان قلبو نضيف ومؤمن فيك، بس ما رح يقدر لأنّك إنت الحامي، وإنت الزارع الحقيقي، صاحب الزرع الجيّد، لهيك قد ما حاول الشرِّير إنّو يغوينا، وقد ما غلطنا، بيبقى روحك القدّوس حامينا بمجرّد ما نقرِّر إننا نتوب.


يا ربّي يسوع، إنت ما بتريد إنّو الخاطي يموت، لا بل إنّو يرجع عن طريقو الشرّيرة ويحيا، اعطينا غيرة القدّيسين بالإيمان الصحيح تا نقدر نحوّل زؤان الخطيِّة لقمح بيفرّح قلبك، ونمشي الطريق معك بتوبة صادقة.

/الخوري يوسف بركات/