يا ربّي يسوع، ما في أجمل من الملكوت السماوي لمّن بتوصفلنا ياه بوجوه كتيرة، وخصوصي لمّن بتعطينا مَثَل حبِّة الخردل كيف بتنما بالعمق وبالإرتفاع، متل كأنها جسر عبور بين الأرض والسما.


يا ربّي يسوع، دايماً أمتالك عن الملكوت السماوي فيها دعوة مصالحة بين الله البيّ الحنون والكريم، وبين الإنسان الضايع بمتاهات هالعالم.


يا ربّي يسوع، إيماننا هوّي متل حبِّة الخردل، بيبلّش صغير كتير، وبيصير ينما وينما بالمحبّة والخدمة والتواضع تا يوصل صاحبو للسما ويستقرّ فيك.


أعطينا يا ربّي يسوع، هالإيمان الثابت تا نعرف نشهدلك كل يوم بحياتنا، ونستعد للعبور لعندك بكلّ إيمان ورجا كلّ إيَّام حياتنا.

/الخوري يوسف بركات/