يا ربّي يسوع، قد ما طالت حياتنا عا هالأرض بتضلّ قصيرة كتير، وما بتتقارن مع الحياة الأبديّة اللي دعيتنا وعطيتنا الحريّة إننا نختارا أو لأ.


يا ربّي يسوع، في كتير أوقات منحسّ أو منعيش بالظلم عا هالأرض، بس معك ما في وجود لا للظلم ولا للظلمة، لأنَّك بتفوت لعمق ضمير الإنسان وبتنوّرو.


ساعدنا يا ربّي يسوع، على إننا نعطي كلّ شي عنّا من مواهب، اليوم قبل بكرا، لأنّو بالعطاء بتكمل الشراكة معك، وبالمحبّة بتتنوّر حياتنا.

زوّدنا يا ربّي يسوع بالنِّعم اللي بتفيضا علينا، تا نعيش معك الشفافيِّة بالتواضع والوداعة والمحبّة والصلاة والتضامن، ومنتبرّر بنعمتك ونوصل لعندك بريحة القداسة.

/الخوري يوسف بركات/