بعيد تقدمتك للهيكل اليوم يا عدرا يا أم الكل، رح بتكون صبحيِّتنا معِك وللربّ يسوع إبنك وإلهك.

يا مريم، أمّ النور المليانة نِعَم، إنتي اللي باركك الله من بين كلّ النساء، ما فينا إلّا ما نشكرو على هالهديّة الغالية لإلنا، واللي ما منستحقّا، وهيّي أمومتك لإلنا، وعلى عطفك وحنانك اللي ما بينضبو.

يا عدرا يا إمّنا، شو بدنا أجمل من وجودك بحياتنا؟ إنتي اللي بعيونك وبقلبك وبصلاتك بترفعينا لعند إبنِك يسوع اللي ما بيرفضلك طلب.

معِك منطلب من الله الثالوث :

الآب اللي خلقك بدون الخطيِّة الأصليِّة وميَّزِك عن كِلّ العالم، والإبن اللي تجسّد منِّك لخلاصنا، والروح القدس اللي حلّ عليكي بالبشارة، إنّو يعطينا قوّة الشهادة تا نقدر نتغلّب على الشرِّير وقوّاتو، ونوصل عالسما.

/الخوري يوسف بركات/