يا ربّي يسوع، صعبة تفسير المال الخائن لأننا منصير نحوّر كلامك على ذوقنا، لهيك كل شي منملكو أو منحصل عليه وخصوصي المال، إذا ما قدرنا إستفدنا منّو للإستعداد لحياتنا الأبديّة بيبقى مال خائن.
يا ربّي يسوع، بس هالمال أو هالمقتنيات، إذا حوّلناها لأعمال محبّة وصرفناها بمصرف المحبِّة، رح يتحوّلو لمال بيفيد الآخر خيي المحتاج.
يا ربّي يسوع، قادرين، إذا بدنا، إننا نتخلّى عن أنانيِّتنا تا نحبّك ونحبّ إخوتنا، قادرين إننا نعطي هالمال تا نربح أغلى منّو بالمقلب التاني لمّن منشوفك حاضر وناطر تا تستقبلنا بملكوتك.
وعّينا يا ربّي يسوع عا حقيقة حبّك تا نلمس ونشوف إنّو لكل مقتنيات هالدني في رسالة محبة من خلالا منوصل للهدف.
/الخوري يوسف بركات/
