يا ربّي يسوع، نحنا منحمل إسمك عا جباهنا وبقلوبنا، وكياننا بيمجّدك لأنّك، وإنت الإله القدّوس، انحنيت علينا، نحنا خليقتك وشابهتنا بكلّ شي، ما عدا الخطيئة.


يا ربّي يسوع، بالمعمودية، اللي تعمّدنا فيها، صار في إلنا هويِّة منفتخر فيها بإننا مسيحيِّين، وعرفنا إنّو دعوتنا هيّي إننا نتشبّه فيك، إنت المعلِّم والمثال الأعلى.


يا ربّي يسوع، بالمعموديِّة، اللي تعمّدنا فيها، صار في عنّا إنتماء للكنيسة، جسدك السرّي الأوحد وإنت رأسو، وعرفنا إنّو دعوتنا هيِّي إننا نتغذّى منّك ونمتلي فيك.

يا ربّي يسوع، منحط حالنا بين إيديك تا تنجّينا من فخاخ الشرّير وتمشّينا عا دربك تا ننما بِحُبَّك للأبد.

/الخوري يوسف بركات/