يا ربّي يسوع، قدَّيش في ناس كل همّن إنّن يطلبو مِنَّك الآيات والمعجزات بس تا يتأكَّدو من حقيقة شخصك، بينما إنت يا ربّ ما بتريد إلَّا التوبة الحقيقيِّة.
يا ربّي يسوع، الآية بتسحرنا شوي، بس مع الوقت بتزول، بينما التوبة هيّي الآية الحقيقيِّة اللي بتخطف القلب وبترفعو صوبك تا يرجع يتعلّم كيف يعيش معك ولإلك، هيّي اللي بتعلّمنا معنى الحبّ وكيف بيرتبط هالحبّ بالخلاص.
اعطينا يا ربّي يسوع، إننا نحبَّك ونتوب دايماً توبة حقيقيِّة، تا نصير آية قدّام الناس، وخصوصي قدّام عائلاتنا ومعارفنا، ونشهد عن صدق حبنا لإلك ولإلن.
/الخوري يوسف بركات/
