يا ربّي يسوع، بآخر أيّام السنة، منتأمَّل بهالإيّام واللحظات اللي قطعت علينا، وكيف كنّا نتخبّط بالصعوبات والمشاكل، وكيف بكل سنة منتمنّى إنها ما تنعاد لأنها كانت صعبة.
بس الأكيد يا ربّي يسوع إننا ما كنّا قدرنا تخطينا كل هالتجارب وهالصعوبات إلّا لمّن كنّا نتّكل عليك ونسلّمك حياتنا ومسيرتنا، لأنّو فيك بتكمل رسالتنا.
يا ربّي يسوع، سنة جديدة راحت من عمرنا وبعدنا مش واعيين منيح إنّو العمر عم يمضي بسرعة، وبعدنا محلّنا، ما عم نعرف نغوص فيك ونحبّك أكتر وأكتر.
علِّمنا يا ربّي يسوع كيف نشكرك على كل لحظة عم تقطع بحياتنا، ونتأكد انها نعمة منّك، ونعرف نتاجر فيها.
