يا ربّي يسوع، متل ما سامحت المرأة الخاطية إنت بتسامحنا لأنّك وفيّ بحبّك لإلنا وبتحبّنا من دون مقابل، بعكسنا نحنا اللي بأغلب الأحيان منحبّك لأننا منحتاج للمغفرة منّك.
يا ربّي يسوع، إنت اللي بيّنتلنا عن عمق حبّك لإلنا وقت منكون بعمق خطيئتنا، بالمقابل نحنا بخطيتنا ما منفكّر فيك ومنكون عايشين بنشوة الخطيّة ومنحطّك عا جنب، ولمّن منتعب من ضياعنا وبتجرح الخطيّة قلبنا ساعتا منفكّر بالتوبة.
يا ربّي يسوع، كلنا ثقة إنّو منطقك بيختلف عن منطقنا، منطقك هوِّي منطق الحبّ الكبير واللي بيغفر كتير، حتّى إذا جينا لعندك بتقبلنا وما بتلومنا وبتهتّنا متل ما عمل الفرّيسي مع الخاطية.
يا ربّي يسوع، نحنا منوثق فيك، وما رح نخاف إننا نتقدّم بفعل تواضع وحبّ من سرّ التوبة عن أنانياتنا.
/الخوري يوسف بركات/
