صعبة يا ربّي يسوع على عقل الإنسان، وخصوصي تلاميذك إنن يشوفوك ماشي عالميّ، لأنّن بعد ما عرفو ولا حتّى تأكّدو إنّك إنت الربّ اللي إنتصرت عالموت وأعطيتن، وعطيت كل إنسان بيآمن فيك، النعمة والقدرة على إنّن يوعو ويفهمو هالسرّ العظيم اللي تجسدت عالأرض كرمالو، سر فداءك للإنسان.

يا ربّي يسوع، المنتصر عالألم والموت والشيطان، منتأمّلك كيف عم بتثبّت تلاميذك الخايفين وتعطيهم السلام، حتّى بتدعيهم تا يتغلّبو على خوفن ويمشو معك ولعندك حتى بوادي ظلال الموت متل ما عمل بطرس الرسول ومشي عالميّ لعندك، وحتى كان بقي ماشي معك لو ما شكّ.

ساعدنا يا يسوع، تا نبقى ثابتين فيك مهما صعبت الأيام والحياة علينا، ونمتلي منك ونوثق بإنّك معنا وما بتتركنا

/الخوري يوسف بركات/