سبحانك يا ربّ السما والأرض، كيف خلقتنا من العدم، ونفخت فينا روحك القدّوس اللي ملّانا حياة، ومش حيلّا حياة، الحياة المليانة فرح وسلام، بس المشكلة كانت وبعدا فينا، نحنا اللي ما بيعجبنا شي واللي بدنا نكون الآلهة، نعمل حياتنا عا ذوقنا ولو عا حسابك وحساب الآخرين.

سبحانك يا ربّ السما والأرض، إنت اللي إخترت الإنسان من بين كل الخلايق تا يكون صورتك عالأرض، بس هالصورة ما عرفنا حافظنا عليها وصار بدنا نعكس صورتنا ومش صورتك، وبعدك عم تدعينا تا نتغيّر ونرجّع صورتك الحقيقيّة فينا.

سبحانك يا ربّي يسوع، محبّ البشر، كيف نقّيت رسلك بسطا، ومنن يوحنا الرسول، تا يعلّمونا كيف نحبّك، ورح نضل نحبّك ونعطيك ذاتنا ونبقى معك كل حياتنا.

/الخوري يوسف بركات/