مع كل نقطة شتي بهالصباح المبارك اللي فيه عم تنعم علينا وعالطبيعة بخيراتك يا ربّ، منسبّحك ومنشكرك.
يا ربّي يسوع، حمل الله الرافع خطايانا وخطايا العالم، هيك دلّ عليك يوحنا المعمدان لمّن شافك وإلتقى فيك، وقلّن لتلاميذو إنّن يتبعوك، وهيك إنتِهيت رسالتو لمّن بلّشت رسالتك ومسيرتك العلنيّة.
يا ربّي يسوع اللي حملت خطايانا، كل العالم كانو بحالة إنتظار ، ومنن تلاميذ يوحنّا اللي رجعو تبعوك وما وقفو عند رسالة يوحنّا المعمدان الناقصة.
شو كان صار يا ربّي يسوع لو ما إلتفتت وشفت التلميذين وسألتن شو بدّن وتخلّيهن يتبعوك؟
يا ربّي يسوع، نحنا عم نسعى إنّنا نعيش المراحل اللي عاشوها التلاميذ نتبعك تا نتعرّف أكتر وأكتر عليك ونكون تلاميذ حقيقيّين ونشهدلك بهالعالم.
/الخوري يوسف بركات/
