يا ربّي يسوع، كتار من الناس اللي عايشين كرمال مصالحن الشخصيّة، أو كرمال المال، بيفضلو مجد الناس على مجدك.
مجد الناس يا ربّي يسوع هوّي مجد باطل، هوّي سراب، وهوّي وهم بيخدع الإنسان ذاتو اللي متّكل عليه وما إلو نفع ولا جدوى بشي.
بينما المجد الحقيقي بيبقى إلنا وما بيخدعنا وولا حتّى حدا بيقدر ينزعو منّا.
يا ربّي يسوع، لا المال ولا الجاه ولا السلطة ولا الملذّات قادرين يجيبولنا سعادة حقيقيّة، لأنّن رح بيكونو مؤقّتين، ووقت اللي بدنا نعبر من هالعالم للحياة الأبديّة رح يتركونا نتخبّط بالندامة اللي ما رح تنفع.
بينما لمّن منكون نافضين عنّا غبرة الخطيّة وملذّاتا، وجايين لعندك بشوق وحبّ وإيمان، أكيد رح نلاقي مجدك.
/الخوري يوسف بركات/
