شو بيحلى النهار لمّن بيشرق نورك يا ربّ بصباح مليان من نعمك وعطاياك، منشكرك ومنسبّحك.
يا ربّي يسوع، بمجيئك عا أرضنا رِجعِت إنفتحت السما بِوِج آدم الإنسان بعد ما تسكّرت بعد ما خطي وتمرّد على الله اللي خلقو وعطاه الحياة بملآا.
يا ربّي يسوع، بمجيئك عا أرضنا رجّعت المعنى الحقيقي للسما وبقيت نعمة الإتصال المستمرّ والدايم بين الله والإنسان.
وعا هالطريق المعبّد بكلامك المليان إيمان ورجا وحب وحنان ورحمة، بتدعينا تا نمشي معك الدرب، لأنّو معك بتسهل الصعوبات وبتتبدّد المخاوف، وهيك منوصل لبرّ الأمان، وبتبقى إنت يا ربّي يسوع، المحور والهدف.
ونحنا بحياتنا عم نسعى، قد ما فينا، إنّنا نتحضّر، بأعمالنا، تا نلتقي فيك بكل إنسان.
/الخوري يوسف بركات/
