يا ربّي يسوع، بآلامك وموتك عالصليب، صارت دينونة هالعالم الزايل، وجمعت بجسدك ودمك اللي انسفكو أبناءك وبناتك، وضمّيتن تحت جناحك تا ما تفسدن الخطيّة، وطردت سيّد الخطيّة من الوجود وحطيتو بحالة الموت الأبدي.

ولمّن ارتفعت عالصليب يا ربّي يسوع، خلّصت البشريّة بجسدك ودمك اللي أشرقو عالعالم بنور القيامة، واستنارت منّن كل أنوار الألوهة.

يا ربّي يسوع، النور الأزليّ، نوّرنا بحبّك اللامتناهي، ونجّينا من دينونة الإبتعاد عنّك، تا نقدر إننا نعبر، بكل لحظة، لعندك رغم كل الصعوبات والتجارب، ونعيش معك بالملكوت السماوي.

/الخوري يوسف بركات/