يا روح الله القدّوس، روح الحكمة والفهم، لمّا حلّيت عالتلاميذ بالعنصرة، وحرّكتلّن قلوبن وأفكارن وعيونن، شلت عنّن الخوف والإضطراب.

يا روح الله القدّوس، روح الفرح، كلنا ثقة إنّو اللي بيعيش فيك ما بيلاقي محل للإضطراب ولو حتّى مرق بظروف وصعوبات كتيرة، حتّى بالألم لأنّو للألم أسبابو الداخليّة والخارجيّة.

يا روح الله القدّوس، روح السلام، معك بيتوشّح الألم بنور التضحية والمشاركة، ولو بجزء بسيط، بمشروعك الخلاصيّ لإلنا ولكل البشريّة.

يا روح الله القدّوس، زدنا إيمان بإننا فيك، ولمّن بيصير وقت الرحيل، رح نعبر من هالحياة الفانية بما فيها من آلام حاضرة، لحياة حقيقيّة مع القدّيسين، ومنتصرين عالموت وعا ملك الموت.

/الخوري يوسف بركات/