يا الله الآب الأزلي، منسجد لإلك بعبادة متواضعة، ومنكرّسلك كل كياننا ومنحط حالنا بحالة التلمذة لإبنك يسوع الله الكلمة المتجسّد، ومنشكرك على حبّك اللامتناهي لإلنا.

يا الله الإبن ، ربنا يسوع المسيح، ضمّنا لإلك، وخلّينا بقلبك اللي كرّستو لخلاص نفوسنا، وعطينا الحكمة والقداسة تا نعرف نتلمذ بأمانة ونعمّد بإيمان ونعلّم بثقة كل إنسان عم بيفتّش عنّك.

يا الله الروح القدس، محبّة الآب والإبن ، تعا واسكن فينا واستقرّ بنفوسنا وعقولنا متل نار الحبّ الشعلان، وحملنا بأفكارنا ومشاعرنا وأعمالنا لحضن الآب.

يا الله الثالوث، نحنا منآمن فيك، ومنحبّك، ومنعبدك بكل لحظة وكل ثانية، ورح نحاول إنّو يكون كل عمل منعملو بحياتنا هوّي فعل تسبيح وشكر لإلك.

/الخوري يوسف بركات/