إنت النور يا إله النور، وإنت الحياة يا سيّد الحياة، منسبّحك ومنشكرك عا هالنهار اللي عم يبتدي بنورك يا ربّ السما والأرض.

يا يسوع الحبيب، قدّيش كلامك بيعطي صدى حلو بقلب الإنسان تا دغري تبعوك الرسل بكلمة منّك؟
وقدّيش كان عندن الرسل ثقة فيك وبكلامك تا تركو كل شي، شغل أو مركز أو أهل أو أقارب أو حتّى موردن الوحيد، ولحقوك وكانو معك وسلّموك ذواتن؟

يا ربّي يسوع، إنت المعلّم وإله الحياة، بتصطاد كل إنسان تا يكون رسولك بأمانة، وبتنشلو من الموت الأبديّ لحياة أبديّة مليانة فرح وسلام.

معك ولإلك يا يسوع بدنا نكون بحياتنا، نتخلّى عن ذاتنا وملذّاتنا، وجاهنا وكبرياءنا، وبدنا نفتح باب المصالحة مع إخوتنا وأخواتنا ونكون مصدر فرح لكل الناس

/الخوري يوسف بركات/