يا ربّي يسوع، منسأل حالنا كل يوم، وخاصة اليوم، إذا رح نكون من اللي رح يوبّخن الروح القدس.
معقول نكون عم نرفضك بأفعالنا وبطريقة تصرّفاتنا؟ ممكن نكون عم نرفض الإيمان بالنور اللي عم تعطينا ياه؟
يا ربّي يسوع، أسئلة كتيرة منطرحا عا ذاتنا وقتا بتحكينا عن الخطيّة وعن البرّ وعن الدينونة، لأننا ما عم نعرف نستسلم لدور الروح القدس بحياتنا.
يا روح الله القدّوس، منعرف ومنآمن إنّك حاضر فينا بس ما عنّا الجرأة إننا نعترف بإنّك قادر إنّك تتغلّب عالخطيّة اللي فينا وتطردا منّا، منعرف ومنآمن بإنّك بتدعينا للبرارة والعمل بحسب مشيئة الله وما رح ننسى ولا نتناسى بإنّك كمان رح تديننا بحسب أعمالنا، ورح نسعى بكلّيتنا إننا نعمل بحسب وصيّة الربّ: المحبّة.
/الخوري يوسف بركات/
