يا يسوعي الحبيب، من بين الناس إخترت ١٢ شخص تا يكونو رُسلَك بالعالم، وما أصعب هالكلمة يا ربّ: رسول المسيح!
يا ضيعاننا نحنا المسيحيّين، رسلك يا ربِّنا يسوع، ما عم نعرف قيمة هالتسمية، لأننا عم نضيّع الدعوة للبشارة، وعم نغوص بالعالم وأفكارو ومتطلّباتو وملذّاتو.
ومنسأل حالنا : شو عم نعمل يا ربّ تا نحمل بشارتك للآخَرين؟
كيف عم نعكس صورتك قدّام الضايعين إذا نحنا ما عم نعرف قيمتك بحياتنا؟ إنت اللي قد ما نشكرك ونحبّك، ما رح نقدر نوفي حبّك الكبير لإلنا.
بدنا نمشي يا ربُّ، عا دربك، درب البشارة، درب القداسة والفرح والسلام، متّحدين فيك بوجّ الصعوبات، تا نوصل معك للملكوت السماوي.
/الخوري يوسف بركات/
