يا ربّي يسوع، نحنا منفتخر بإننا منحمل إسمك بقلوبنا وبتصرّفاتنا وعا جباهنا، وأجمل هديّة بتعطينا ياها هيّي نعمة الصبر، هالصبر اللي بيعلى عا كل ألم أو إضطهاد.
يا ربّي يسوع، الحمل الذبيح، إنت اللي كنت وبتضلّك المثال لإلنا بالصبر وبتحمّل الصليب، ومًنّك منستمدّ القوّة على إحتمال كلّ الصعوبات حبّا فيك وللحياة معك.
يا ربّي يسوع، الآلام والصعوبات اللي عم نعيشا بإيّامنا، منّا إلّا وسيلة للخلاص معك وفيك، ومشاركة بآلامك وتمجيد إسمك بحياتنا وبالعالم.
يا ربّي يسوع، قوّينا على إننا نشهدلك بكلّ لحظة ونعلنك الملك على حياتنا بكلّ تصرّف منتصرّفو.
/الخوري يوسف بركات/
