يا ربّي يسوع، منشكرك على كل تعاليمك اللي بتعلّمنا ياها بالإنجيل، وأهمّ تعليم هوّي حبّ وقبول الآخر متل ما هوي، بضعفو وبقوّتو، لأننا إذا ما قبلنا خينا اللي حدنا ما رح نقدر نقبلك ولا نقبل الآب اللي أرسلك.


نعم يا يسوع، صورتك محفورة بإخوتنا الصغار اللي بتوصّينا فيون، العطشان والمريض والصديق والفقير والغني والمهمّش، وكل إنسان بحاجة للمسة حبّ وإحترام مهما كان مركزو وصفتو.

اعطينا يا ربّ نعمة الثبات تا نبقى صادقين برسالتنا معك وبشهادتنا لإلك، وخلّينا نبلّش أعمال القداسة بأبسط الأمور ومع أقرب الناس تا ننطلق منن للآخرين.

/الخوري يوسف بركات/