يا ربّي يسوع، بكلام النبي أشعيا بتدعينا تا نتمّم وصايا الله الآب، ونكرّمو ونعبدو، ونقدّم القرابين عالمذبح، ونتقرّب منّو، ومش تا نحط قوانين بتلائم حياتنا اليوميّة، ومنصير نصنع إلهنا بإيدينا ونبني علاق فيه عا قياسنا.
الله محبّة، وصار إنسان متلنا، وما بيريد إنّو يكبّلنا بعبادات خارجيّة، لا بل بدّو يحرّرنا بكلامو تا نورث الحياة الأبديّة.
لهيك ما رح نمشي بطريق كتبة وفرّيسيّي هالزمن، نتبع تعاليم مغلوطة ومحدودة وعالحرف، لا بل منمشي درب الحياة بقوّة الروح القدس، روح الحقّ، تا ينوّر عقولنا ونبيّنك بأعمالنا وأخلاقنا.
/الخوري يوسف بركات/
