يا ربّي يسوع، شو هالمدرسة الإيمانيّة عند هالمرأة الكنعانيّة البسيطة والعميقة بنفس الوقت!
إنت اللي قلت :
"كل ما تطلبونه بالحاح بإيمان تنالونه"
بس أكيد إذا كان خير لإلنا، لأننا كتير عم نفهم كلامك غلط أو بالأحرى عم نحوّر كلامك لراحتنا ومنصير نلومك.
وهيدا الدرس بالإيمان علّمتنا ياه هالمرأة الكنعانيّة لأنّو حرقة قلبا على شفاء بنتا ما خلّاها تتأثّر بأيّ كلام انحكى وما عملت ردّة فعل غير إنّها ردّت بحبّ.
يا ربّي يسوع، شو حلو نتمثّل بهالإنسانة القويّة بإيمانا، بهدوءا، بصبرا، وما نقوم بردّات فعل تجاه أي فعل بيصدر تجاهنا، ونآمن بكلامك إنّو اللي لخيرنا الروحي ولسعادتنا معك، رح يتحقّق.
/الخوري يوسف بركات/
