يا ربّي يسوع، سؤال مهمّ طرحو عالم التوراة عليك، ونحنا كمان منسأل ومنتساءل شو بدنا نعمل تا نوصل للسما أو تا نحصل عالحياة الأبديّة معك؟
يا ربّي يسوع، المحبّة أعظم جواب، هيّي الطريق لا بل الطريق الأوحد للملكوت، المحبّة هيّي اللي بتحمل وبتصبر وبتسامح بدرجة ما إلها حدود.
يا ربّي يسوع، كيف فينا نحبّك ونحنا عم نعيش الحقد والكراهية والنميمة والأنانيّة مع بعضنا البعض؟ كيف بدنا نقول عنّا ياك إلهنا وملكنا ونحنا عم نستعبد إخوتنا بدل ما نحترمن ونحبّن من قلوبنا؟
يا ربّي يسوع، بدنا ياك الوحيد المالك حياتنا، وبدنا نحبّك بكلّ إنسان منلتقي فيه.
/الخوري يوسف بركات/
