يا ربّي يسوع، حاربوك الفريسيّين والكتبة وكل علماء اليهود، وحتَّى الرومان، ومع هيدا وكلّو ما كنت تواجهن الشرّ بالشرّ، لا بل كنت هالعبد المتألّم، هالحبيب اللي بيحبّ من قلبو، وبيسامح، حتّى أكتر من سبعين مرّة سبع مرّات.


يا يسوعنا الغالي، يا إلهنا الحبيب، أكيد كان صعب عليك وإنت الإنسان إنّك ما تردّ الأذيّة ليلّلي ظلموك، وهيك نحنا عم نلاقي صعوبات كتيري إننا نتحمّل الأذيّة والإضطهادات من الآخرين اللي بيعتبرو حالن هنّي كل شي وهنّي الأساس.


بس كمان بإنسانيتك غفرتلّن تا تعلّمنا كيف نغفر وكيف نحب، ورح نسعى دايماً، بهالمغفرة، إننا نقدّم ذاتنا للآب تا نستحقّ هالبنوّة اللي ميّزنا فيها بالمعموديّة.

/الخوري يوسف بركات/