يا ربّي يسوع، الحبّ الأزلي، منشكرك عا هالحبّ العظيم اللي بتحبنا ياه، ومن خلالو دعيتنا تا نكون متلك، نعرف نبشّر المساكين وكل الضايعين بمتاهات العدوانيّة والخوف والحقد والكراهية وكل اللي هنّي بعاد بتصرّفاتن عن الإيمان فيك وبكلامك.
يا ربّي يسوع، وعّينا أكتر على أهمّية رسالتنا تا نقدر نطلع ونطلّع الآخرين من عبوديّة الأنا والخطيّة، ونعرف كيف نتحرّر كلنا فيك من كل الشرور ومن الإنشغالات الدنيويّة االي بتحاول تضيّعلنا الجوهر بحياتنا.
نوّر بصيرتنا يا ربّي يسوع، وشيل عنها غشاء الجهل تا تبقى عيوننا وقلوبنا متأملي فيك وحدك ويبقى كلامك وحدو اللي بيودّينا بالطريق الصحيح للملكوت.
/الخوري يوسف بركات/
