يا ربّي يسوع، مش حلو التمسّك الأعمى بالشريعة، وصعبة العيشة بحسب القوانين ومش بحسب المحبّة اللي دعيتنا إننا نعيشا مع بعضنا البعض, لأنّو هالتمسّك الأعمى عم يغلق باب الملكوت قدَّام كلّ إنسان بدّو يفوت منّو.
مينشان هيك عم نشوفك، يا ربّي يسوع، عم تحطّ الويل عالفريسيِّين والكتبة وعلماء التوراة لأنن، وعن قصد عم يسكّرو الملكوت، هنّي اللي كانو مؤتمنين عالشعب ومدعوّين إنن يوصّلوه لبرّ الأمان.
يا ربّي يسوع، منشكرك لأنّك عم بتوعّينا بكلمتك عالحقيقة، لأنّو إذا تجرّدت أعمالنا من مبادئنا وقناعاتنا وإيماننا وتركّزت بمجموعة قوانين، رح تفقد رونقا وجماليِّتا، لهيك نحنا بدنا نعيش بحسب قلبك اللي بيدعينا للحبّ.
/الخوري يوسف بركات/
