شو حلو اليوم اللي بيبلّش منوّر بنورك يا إله النور والحياة، بيصير كل نهارنا وكل أوقاتنا سلام وراحة بال وطمأنينة لأنّك فيها ومملّاها.

بس أكتر الأوقات منكون متل نيقوديموس، منجي لعندك يا ربّ لأننا شفنا أو سمعنا أو قرينا عن العجايب والآيات اللي عملتا وبعدك عم تعملا، ومنبني معك علاقة بتشبه المصلحة، وما مننتبه إنّك إنت اللي خليتنا نكتشف إنّو الروح القدس، روح الحب والحقّ، هوي اللي بيحرّرنا وبيخلينا أبناء وبنات أمناء وأحبّاء، منفرح بلقاءك، لأنّو لقاء الحبيبين.

يا ربّ، نحنا منوثق فيك، وبدنا نولد معك ولادة روحيّة تخلّينا نكبر وننما بالحكمة والنعمة والقامة فيك، ومعك منلاقي كل يوم إنطلاقة جديدة صوب القداسة.

/الخوري يوسف بركات/