بكل صباح بيشرق نورك علينا يا ربّ، منحسّ بالسلام عم بيغمرنا وبالطمأنينة بإنّك حاضر دايماً، منسبّحك ومنمجّدك ومنشكرك.
بهالنهار اللي عم نعيّد فيه إيمان وإهتداء مار بولس يا ربّي يسوع، منتذكّر الإيّام اللي منعيش فيها أزمة الإيمان بحياتنا عند كل مشكلة أو أزمة بتواجهنا، وآخرا الأمراض الخطرة والمزمنة وعجز العلم عن إستيعابا.
يا ربّي يسوع، مار بولس، قدّام الإيمان فيك، ترك العلم وإستنتاجاتو وإختارك إلك وفضّل إنّو بيقى معك ويعيش لإلك ويصدّق كلامك اللي فيه سلام وفرح وطمأنينة وحياة أبديّة ليللي بدّو يآمن.
يا ربّي يسوع، نمّي فينا هالبساطة اللي بتودّينا للقداسة من خلال حبّنا وخدمتنا ومغفرتنا لبعضنا البعض.
/الخوري يوسف بركات/
