سبحانك يا ربّ السما والأرض، عطيتنا الحياة تا نعيشا بفرح وسلام، ونتشارك فيها مع بعضنا البعض بكل يوم جديد، منشكرك ومنسبّحك.

يا يسوع الحبيب، كيف ما يبرم الإنسان عالحقيقة، ما رح يلاقيها إلّا فيك، متل ما كان عم يبرم نيقوديموس رئيس المجمع بالكتب والشريعة، ولمّن تعرّف عليك عرفك إنت الحقيقة بذاتا.

يا يسوع الحبيب، مشكلة الإنسان إنّو إذا ما آمن فيك رح يرفض الحقيقة ويستسلم لمعتقدات وقوانين بيحطا تا تكون مريحة بالنسبة إلو.

ونحنا، يا ربّي يسوع، بكتير من الأوقات منكون عميان عنّك، متعلّقين بقشور الدني وشهوات العالم وبأنانيّاتنا، ما بدنا نبقى ضايعين، بدنا ياك وحدك ونبقى معك.

/الخوري يوسف بركات/