مبارك إنت يا ربّ وممجّد، إنت اللي بتشرق علينا كل يوم بأنوارك، وبتملّينا بكل لحظة من نعمك اللي ما بتنتهي.

يا ربّي يسوع، مش بالصدفة دعيتنا نرجع أطفال تا نقدر نفوت عالملكوت السماوي، لأنّو الطفل بيقبل كل شي بتعطيه ياه إذا كان بيحبّك، شو ما كان وهيدي ميزتو.

شو حلو لمّن بتدعينا يا ربّ تا يكون عنّا بساطة الأطفال، والأحلى إننا نصدّق كلامك ووعودك ونعمل فيا ونعيش بحسب تعاليمك.

يا ربّي يسوع، كلنا ثقة فيك إنّك ما بتعطينا إلّا كل الإشيا لخيرنا، وقدّام صعوبات الحياة ما بدنا نفقد هالطفولة الروحيّة اللي زرعتا فينا، ورح نحاول قد ما فينا ما نوقع بتجربة البعد عنّك وعدم تصديق وعودك.

/الخوري يوسف بركات/