بصباح هالنهار المبارك، منرفع إسمك يا ربّ، ومنمجّدك ومنشكرك لأنّك خلّصتنا وعم بتنجينا دايماً من المخاطر.
شو حلو تعليمك يا رب، وشو مهم وجذّاب كلامك، بس بنفس الوقت شو صعب تطبيقو، والمشكلة فينا ومش بصعوبة التطبيق يا يسوع.
مين منّا يا ربّي يسوع ما بيحبّ إنّو يكون الملح اللي بيدوب تا يعطي طعمة ومعنى للحياة، بس أنانيّتنا عم تمنعنا وبتدفعنا على إننا نعيش حبّ الذات والكراهية.
مين منّا يا ربّ ما بيحبّ إنّو يكون النور اللي بيشتعل تا يضوي عتمة الآخرين ويمشو بالنور، بس أنانيّتنا عم بتخلّينا دايماً عايشين بوحل الخطيّة اللي بتجعلنا عايشين بظلام الموت.
بدنا يا ربّ ورح نسعى إننا نحقّق أمنيتنا إننا نكون الملح للأرض والنور للعالم.
/الخوري يوسف بركات/
